Vandag 46 jaar gelede, op 25 Julie 1970, het my Kovsie- en Reitzmaat Joggie Jansen dáái tekkel gepleeg.
Dit was ‘n torpedo-duikslag wat Loftus Versfeld laat dreun het van pure plesier en die weg gebaan het vir die Springbokke se oorwinning van 17-6 in die toets en 3-1 in die reeks teen Brian Lochore se gedugte All Blacks.
Min mense het die Bokke ‘n kans gegun. Onthou, die All Blacks het in Suid-Afrika aangekom as ‘n span wat sedert 1965 sewentien toetse op ‘n streep gewen het: vandag nog ‘n wêreldrekord.
Dit was die 22-jarige Joggie (Springbok nommer 444) se eerste toets. Die ongelukkige slagoffer was die All Black-losskakel Wayne Cottrell. Daardie jare was Springbokke in die Vrystaat maar dun gesaai.
My vriend Cyril Allwright, ‘n inwoner van die naasliggende Malhuis (Huis DF Malherbe), het die Maandag ná die toets spesiaal Reitz toe gekom omdat hy wou sien hoe Joggie lyk. “Maar jy het hom dan vir ses maande lank byna elke dag gesien?” het ek gesê-vra. “Is so, maar ek wil sien hoe hy lyk nou dat hy ‘n Springbok is,” was sy reaksie.
Cyril het die volgende jaar permanent oorgetrek Reitz toe, vermoedelik sodat hy meer van Joggie kon sien.
Dit was ‘n torpedo-duikslag wat Loftus Versfeld laat dreun het van pure plesier en die weg gebaan het vir die Springbokke se oorwinning van 17-6 in die toets en 3-1 in die reeks teen Brian Lochore se gedugte All Blacks.
Min mense het die Bokke ‘n kans gegun. Onthou, die All Blacks het in Suid-Afrika aangekom as ‘n span wat sedert 1965 sewentien toetse op ‘n streep gewen het: vandag nog ‘n wêreldrekord.
Dit was die 22-jarige Joggie (Springbok nommer 444) se eerste toets. Die ongelukkige slagoffer was die All Black-losskakel Wayne Cottrell. Daardie jare was Springbokke in die Vrystaat maar dun gesaai.
My vriend Cyril Allwright, ‘n inwoner van die naasliggende Malhuis (Huis DF Malherbe), het die Maandag ná die toets spesiaal Reitz toe gekom omdat hy wou sien hoe Joggie lyk. “Maar jy het hom dan vir ses maande lank byna elke dag gesien?” het ek gesê-vra. “Is so, maar ek wil sien hoe hy lyk nou dat hy ‘n Springbok is,” was sy reaksie.
Cyril het die volgende jaar permanent oorgetrek Reitz toe, vermoedelik sodat hy meer van Joggie kon sien.
RSS Feed